திருமண மண்டப உரிமையாளரை தாக்கி நகை பறித்தவர் கைது

விருதுநகர், 

விருதுநகர் பெத்தனாட்சி நகரை சேர்ந்தவர் பிர்லா சேகரன் (வயது 77). இவரை சந்தித்த நபர் ஒருவர் திருமண மண்டபம் வாடகைக்கு வேண்டும் என்று கூறி மண்டபத்தை திறந்துகாட்டுமாறு கூறியுள்ளார். பிர்லாசேகரன் மண்டபத்தை சுற்றி காட்டிக் கொண்டிருக்கும் போது மாடியில் வைத்து அந்த நபர் பிர்லாசேகரனை தாக்கி அவர் அணிந்திருந்த 8 பவுன் தங்க சங்கிலியை பறித்துச்சென்றான். இதுபற்றி அவர் கொடுத்த புகாரின் பேரில் புறநகர் போலீசார் வழக்குப்பதிவு செய்து விசாரணை மேற்கொண்டனர். அப்பகுதியில் உள்ள கண்காணிப்பு கேமரா பதிவுகளை ஆய்வு செய்த போலீசார் பராசக்தி காலனியைசேர்ந்த சவுந்தரபாண்டியன் (38) என்பவரை கைது செய்து அவரிடமிருந்து 8 பவுன் தங்கச்சங்கிலியை மீட்டனர். 2 நாட்களில் நகை பறித்து சென்றவரை கைது செய்த போலீசாரை மாவட்ட போலீஸ் சூப்பிரண்டு மனோகர் பாராட்டினார்.