<
அரிவாளால் வெட்டி வாலிபர் படுகொலை; மாமனார் கைது
தார்வாரில் அரிவாளால் வெட்டி வாலிபர் படுகொலை செய்யப்பட்டுள்ளார். குடிபோதையில் தகராறு செய்ததால் வெறிச்செயலில் ஈடுபட்ட மாமனாரை போலீசார் கைது செய்தனர்.
உப்பள்ளி: தார்வாரில் அரிவாளால் வெட்டி வாலிபர் படுகொலை செய்யப்பட்டுள்ளார். குடிபோதையில் தகராறு செய்ததால் வெறிச்செயலில் ஈடுபட்ட மாமனாரை போலீசார் கைது செய்தனர்.
இந்த பயங்கர சம்பவம் பற்றி போலீஸ் தரப்பில் கூறப்படுவதாவது:-
குடிபோதையில் தகராறு
பெலகாவி மாவட்டம் சவதத்தி தாலுகா பூதகொப்பா கிராமத்தை சேர்ந்தவர் ரமேஷ் (வயது 35). கூலி தொழிலாளி. தார்வார் மாவட்டம் நவலகுந்து தாலுகா மொரப்பா கிராமத்தை சேர்ந்தவர் நிம்பண்ணா (60). இவர், ரமேசின் மனைவியின் தந்தை ஆவார். ரமேஷ், மொரப்பா கிராமத்தில் உள்ள மாமனார் வீட்டில் தங்கி அங்கு கூலி வேலை பார்த்து வந்தார்.
அவர் அளவுக்கு அதிகமாக மது அருந்தும் பழக்கத்துக்கு அடிமையாகி இருந்ததாக தெரிகிறது. இதனால் அவர் தினமும் மது அருந்திவிட்டு வீட்டுக்கு வந்து தகராறு செய்து வந்துள்ளார். மேலும் ரமேஷ், சரியாக வேலைக்கு செல்லவில்லை என்றும் தெரிகிறது. இதனால் ரமேஷ், மது அருந்த பணம் கேட்டு மாமனார் நிம்பண்ணாவுடன் தகராறு ெசய்து வந்துள்ளார்.
வெட்டி கொைல
இதுதொடர்பாக மாமனார், மருமகன் இடையே அடிக்கடி தகராறு ஏற்பட்டு வந்துள்ளது. இந்த நிலையில் நேற்று முன்தினமும் மது போதையில் இருந்த ரமேஷ், வீட்டுக்கு வந்து, மேலும் மது அருந்த பணம் கேட்டு நிம்பண்ணாவிடம் தகராறு செய்துள்ளார். ஆனால் நிம்பண்ணா பணம் கொடுக்க மறுத்துவிட்டதாக தெரிகிறது. இதனால் ரமேஷ், மாமனார் நிம்பண்ணாவுடன் தகராறு செய்தார்.
அப்போது ஆத்திரமடைந்த நிம்பண்ணா, வீட்டில் இருந்த அரிவாளை எடுத்து மருமகன் என்று கூட பார்க்காமல் ரமேசை சரமாரியாக வெட்டினார். இதில் முகம், கழுத்து பகுதியில் பலத்த வெட்டுக்காயம் அடைந்த ரமேஷ், சம்பவ இடத்திலேயே ரத்த வெள்ளத்தில் பரிதாபமாக உயிரிழந்தார்.
மாமனார் கைது
இதுபற்றிய தகவல் அறிந்ததும் நவலகுந்து போலீசார், சம்பவ இடத்துக்கு விரைந்து சென்று பார்வையிட்டனர். பின்னர் போலீசார் கொலையான ரமேசின் உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து நிம்பண்ணாவை கைது செய்தனர்.
பின்னர் அவரை கோர்ட்டில் ஆஜர்படுத்தி போலீசார் சிறையில் அடைத்தனர். குடிபோதையில் தகராறு செய்ததால் மருமகனை மாமனாரே வெட்டி கொலை செய்த சம்பவம் பெரும் பரபரப்பை ஏற்படுத்தி உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
