சேலத்தில் விபத்தில் பெயிண்டர் பலி-நண்பர் படுகாயம்

சேலம்:

சேலம் மின்னாம்பள்ளியை சேர்ந்தவர் பிரகாஷ் (வயது 25). இவருடைய நண்பர் சந்துரு (24). இருவரும் பெயிண்டர்கள் ஆவர். நேற்று முன்தினம் இரவு வேலை முடிந்து 2 பேரும் சேலத்தில் இருந்து வீட்டிற்கு மோட்டார் சைக்கிளில் சென்று கொண்டிருந்தனர். உடையாப்பட்டி பெருமாள் கோவில் அருகே சென்றபோது எதிரே வந்த லாரியும், மோட்டார் சைக்கிளும் எதிர்பாராதவிதமாக  மோதிக்கொண்டன. இதில் தூக்கி விசப்பட்டு பலத்த காயம் அடைந்த பிரகாஷ் ரத்த வெள்ளத்தில் சம்பவ இடத்திலேயே துடிதுடித்து பரிதாபமாக இறந்தார். சந்துரு உயிருக்கு போராடிக்கொண்டிருந்தார். இதை பார்த்த அந்த வழியாக சென்றவர்கள் சந்துருவை மீட்டு சேலம் அரசு ஆஸ்பத்திரிக்கு அனுப்பி வைத்தனர். அங்கு அவருக்கு டாக்டர்கள் தீவிர சிகிச்சை அளித்து வருகின்றனர். 

தகவல் கிடைத்ததும், அம்மாபேட்டை போலீசார் விபத்து நடந்த இடத்திற்கு சென்று பிரகாஷ் உடலை மீட்டு பிரேத பரிசோதனைக்கு அனுப்பி வைத்தனர். பின்னர் சம்பவம் தொடர்பாக வழக்குப்பதிவு செய்து விசாரணை நடத்தி வருகின்றனர்.