தீயில் கருகி பெண் சாவு

செஞ்சி, 

செஞ்சி அருகே அனந்தபுரத்தை சேர்ந்தவர் முருகன். இவரது மனைவி ஆதிலட்சுமி (வயது 40). சம்பவத்தன்று இவர் கொசுவத்தி ஏற்றி வைத்து விட்டு தூங்கிக்கொண்டிருந்தார். அப்போது அவரது சேலை கொசுவத்தி மேல்பட்டுள்ளது. இதில் தீ அவரது சேலையில் பிடித்து எரிந்தது. மேலும் அந்த தீ அவரது உடலிலும் பரவி எரிந்தது. 

இதில் உடல் கருகிய அவரை சிகிச்சைக்காக முண்டியம்பாக்கம் அரசு மருத்துவக்கல்லூரி ஆஸ்பத்திரியில் சேர்த்தனர். பின்னர் மேல்சிகிச்சைக்காக சென்னை கீழ்ப்பாக்கம் அரசு ஆஸ்பத்திரியில் சேர்த்தனர். அங்கு சிகிச்சை பலனின்றி ஆதிலட்சுமி பரிதாபமாக இறந்தார். இது குறித்த புகாரின் பேரில் அனந்தபுரம் போலீசார் வழக்குப்பதிவு செய்து விசாரணை நடத்தி வருகின்றனர்.