போக்குவரத்து போலீஸ் நிலையத்தில் மோட்டார் சைக்கிள் திருட்டு

திண்டிவனம், 

திண்டிவனம் மரக்காணம் சாலை, பிரகாசபுரம் பகுதியை சேர்ந்தவர் ரஜினிகாந்த் (வயது 45). போலீஸ்காரர். இவர் திண்டிவனம் மேம்பாலம் கீழ் பகுதியில் உள்ள போக்குவரத்து போலீஸ் நிலைய வளாகத்தில் மோட்டார் சைக்கிளை நிறுத்திவிட்டு சென்றார். திரும்பி வந்து பார்த்தபோது, அந்த மோட்டார் சைக்கிளை காணவில்லை. அதனை மர்மநபர்கள் திருடிச்சென்றது தெரிந்தது. இது குறித்த புகாரின் பேரில் திண்டிவனம் போலீசார் வழக்குப்பதிவு செய்து விசாரணை நடத்தி வருகின்றனர்.