கொரோனா தடுப்பூசி முகாம்

நொய்யல் ஈ.வே.ரா. அரசு மேல்நிலைப்பள்ளி, குளத்துப்பாளையம் ஊராட்சி ஒன்றிய தொடக்கப்பள்ளி, இளங்கோ நகர் அரசு உதவி பெறும் ஆரம்பப்பள்ளி, கரைப்பாளையம் ஊராட்சி ஒன்றிய தொடக்கப்பள்ளி, திருக்காடுதுறை ஊராட்சி ஒன்றிய தொடக்கப்பள்ளி, வேட்டமங்கலம் ஊராட்சி ஒன்றிய தொடக்கப்பள்ளி, கூலக்கவுண்டனூர் ஊராட்சி ஒன்றிய தொடக்கப்பள்ளி, தவிட்டுப்பாளையம் அரசு நடுநிலைப்பள்ளி, புன்னம்சத்திரம் அரசு நடுநிலைப்பள்ளி மற்றும் ஓலப்பாளையம், மூலிமங்கலம், மசக்கவுண்டன் புதூர், காகிதபுரம், அம்மாமண்டபம், மூர்த்திபாளையம் உள்ளிட்ட பல்வேறு பகுதிகளில் மெகா கொரோனா தடுப்பூசி முகாம் நடைபெற்றது.இதில் ஓலப்பாளையம் அரசு ஆரம்ப சுகாதார நிலைய மருத்துவ அலுவலர்கள் தலைமையிலான மருத்துவ குழுவினர் 18 வயதுக்கு மேற்பட்ட ஆண்கள் மற்றும் பெண்கள், பாலூட்டும் தாய்மார்கள், மாற்றுத்திறனாளிகள் ஆகியோருக்கு முதல் மற்றும் 2-வது தவணை தடுப்பூசி போட்டனர்.மேலும், சுகாதாரத்துறை மருத்துவர்கள் மற்றும் செவிலியர்கள் கொண்ட குழுவினர் ஒவ்வொரு பகுதியிலும் வீடு, வீடாக சென்று தடுப்பூசி போடாத முதியவர்கள், மாற்றுத்திறனாளிகள் மற்றும் 15 வயதுக்கு மேற்பட்டவர்களுக்கு முதல் மற்றும் 2-வது தவணை தடுப்பூசி போட்டனர்.