<
மாடு விடும் திருவிழாவில் மாடுகள் முட்டி 8 பேர் காயம்
மாடு விடும் திருவிழாவில் மாடுகள் முட்டி 8 பேர் காயம்
காட்பாடி
காட்பாடி அடுத்த சேனூர் பெருமாள்பேட்டை பகுதியில் பொன்னியம்மன் திருவிழாவை முன்னிட்டு காளைவிடும் விழா நேற்று நடந்தது. விழாவை முன்னிட்டு சாலையின் இருபுறமும் மூங்கில் கம்புகள் கட்டப்பட்டிருந்தன. காலை 10 மணிக்கு காளைவிடும் விழாவை வேலூர் உதவி கலெக்டர் பூங்கொடி தொடங்கி வைத்தார். நிகழ்ச்சிக்கு காட்பாடி தாசில்தார் ஜெகதீஸ்வரன் முன்னிலை வகித்தார்.
விழாவில் பல்வேறு பகுதிகளில் இருந்து 150 காளைகள் கலந்து கொண்டன. சாலைகளில் மட்டுமல்லாது வீடுகளின் மொட்டைமாடி, படிகள், கூரை மீதும், கட்டிடங்கள் மேலேயும் நின்று காளைகள் சீறிப்பாய்ந்து செல்வதை பொதுமக்கள் ரசித்து வேடிக்கை பார்த்தனர். சாலையின் இருபுறமும் நின்று கொண்டிருந்த இளைஞர்கள் காளைகளை கைதட்டி உற்சாகப்படுத்தினர்.
திருவிழாவை முன்னிட்டு குறைந்த நேரத்தில் குறிப்பிட்ட தூரத்தை கடந்த காளைகளுக்கு அவற்றின் உரிமையாளர்களிடம் பரிசுகள் வழங்கப்பட்டது. முதல் பரிசாக ரூ.70 ஆயிரம் உள்பட 52 பரிசுகள் வழங்கப்பட்டன.
விழாவில் ஓடிய மாடுகள் முட்டியதில் வேடிக்கை பார்த்துக் கொண்டிருந்த 8 பேருக்கு காயம் ஏற்பட்டது. சிறுகாயம் என்பதால் அங்கேயே அமைக்கப்பட்டிருந்த முதலுதவி சிகிச்சை மையத்தில் அவர்களுக்கு சிகிச்சை அளிக்கப்பட்டது.
அசம்பாவித சம்பவம் நடைபெறாமல் இருக்க காட்பாடி போலீஸ் இன்ஸ்பெக்டர் ஆனந்தன் தலைமையில் போலீசார் பாதுகாப்பு பணியில் ஈடுபட்டிருந்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
