பண்ணாரி அம்மன் கோவில் குண்டம் விழாவுக்கு மாட்டு வண்டி-குதிரை வண்டிகளில் செல்ல அனுமதிக்க வேண்டும்; கோபி ஆர்.டி.ஓ.விடம் பக்தர்கள் கோரிக்கை மனு

கடத்தூர்

பண்ணாரி அம்மன் கோவில் குண்டம் விழாவுக்கு மாட்டு வண்டி-குதிரை வண்டிகளில் செல்ல அனுமதிக்க வேண்டும் என்று கோரி கோபி ஆர்.டி.ஓ.விடம் பக்தர்கள் கோரிக்கை மனு அளித்தார்கள். 

சத்தியமங்கலம் அருகே புகழ்பெற்ற பண்ணாரி அம்மன் கோவில் உள்ளது. ஒவ்வொரு ஆண்டும் பங்குனி மாதம் இங்கு பிரசித்தி பெற்ற குண்டம் விழா நடைபெறும். அதில் தமிழ்நாடு மட்டுமின்றி கேரளா, கர்நாடகாவை சேர்ந்த லட்சக்கணக்கான பக்தர்கள் கலந்துகொண்டு குண்டம் இறங்கி நேர்த்திக்கடன் செலுத்துவார்கள்.

கொரோனா நோய் பரவல் காரணமாக கடந்த 2 ஆண்டுகளாக குண்டம் விழா நடைபெறவில்லை. இந்த ஆண்டு நோய் தொற்று குறைந்ததையொட்டி குண்டம் விழா நடத்த அரசு அனுமதி அளித்தது.

குண்டம் விழாவுக்காக பண்ணாரி அம்மன் கோவிலில் நேற்று பூச்சாட்டப்பட்டது. வருகிற 22-ந் தேதி (செவ்வாய்க்கிழமை) குண்டம் விழா நடக்கிறது. ஒவ்வொரு ஆண்டும் தாளவாடி மலைப்பகுதி கிராமங்கள், சத்தியமங்கலம் மற்றும் அருகே உள்ள வனப்பகுதி கிராமங்களிலும் இருந்து பக்தர்கள் ண்ணாரி அம்மன் கோவில் குண்டம் விழாவுக்கு மாட்டு வண்டி-குதிரை வண்டிகளில் செல்ல அனுமதிக்க வேண்டும் என்று கோரி கோபி ஆர்.டி.ஓ.விடம் பக்தர்கள் கோரிக்கை மனு அளித்தார்கள். பண்ணாரி அம்மன் கோவில் குண்டம் விழாவுக்கு மாட்டு வண்டி-குதிரை வண்டிகளில் செல்ல அனுமதிக்க வேண்டும் என்று கோரி கோபி ஆர்.டி.ஓ.விடம் பக்தர்கள் கோரிக்கை மனு அளித்தார்கள். மாட்டு வண்டி மற்றும் குதிரை வண்டிகளில் திருவிழாவில் கலந்து கொள்வதற்காக வருவார்கள். 

இந்த ஆண்டு திம்பம் மலைப்பாதையில் இரவு நேர போக்குவரத்துக்கு தடை விதிக்கப்பட்டு இருப்பதால், போக்குவரத்து நெரிசல் ஏற்படும் என்பதை கருதி பண்ணாரி அம்மன் கோவிலுக்கு பக்தர்கள் மாட்டு-குதிரை வண்டிகளில் வரக்கூடாது என்று மாவட்ட நிர்வாகம் அறிவித்தது. 

இந்த நிலையில் தாளவாடி, சத்தியமங்கலம், பவானிசாகர், கோபி, புஞ்சை புளியம்பட்டி, அன்னூர், சரவணம்பட்டி, கோவை  பகுதியை சேர்ந்த பக்தர்கள், ஆண்டாண்டு காலமாக மாட்டு வண்டி மற்றும் குதிரை வண்டிகளில் பண்ணாரி அம்மன் கோவில் திருவிழாவுக்கு வந்து செல்கிறோம். இந்த ஆண்டும் எங்களுக்கு அனுமதி வழங்கவேண்டும் என்று கோபி ஆர்.டி.ஓ. பழனிதேவியிடம் நேரில் கோரிக்கை மனு கொடுத்தார்கள்.