டி.என்.பாளையம் வனப்பகுதியில் வனவிலங்குகளை வேட்டையாடிய மேலும் ஒருவர் கைது

டி.என்.பாளையம்

டி.என்.பாளையம் வனச்சரகத்துக்கு உள்பட்ட குண்டேரிப்பள்ளம் அணை அருகே வனப்பகுதியில் கடந்த 2 நாட்களுக்கு முன்பு நாட்டு துப்பாக்கியுடன் மர்மநபர்கள் சுற்றி திரிவதாக டி.என்.பாளையம் வனத்துறையினருக்கு தகவல் கிடைத்தது. அதைத்தொடர்ந்து அங்கு சென்று ரோந்து பணியில் வனத்துறையினர் ஈடுபட்டனர். அப்போது அங்கு சுற்றி திரிந்த 2 பேரை பிடித்து விசாரித்தபோது அவர்கள் கொங்கர்பாளையத்தை சேர்ந்த சங்கர் (வயது 36), குமார் (25) என்பதும், அவர்கள் வனவிலங்குகளை வேட்டையாட சுற்றி திரிந்ததும் தெரியவந்தது. இதைத்தொடர்ந்து அவர்கள் 2பேரையும் வனத்துறையினர் கைது செய்தனர். மேலும் அவர்களிடம் இருந்து நாட்டு துப்பாக்கி, கத்தி உள்ளிட்ட ஆயுதங்கள் பறிமுதல் செய்யப்பட்டது. 

அவர்கள் கொடுத்த தகவலின் பேரில் வனவிலங்குகளை வேட்டையாடியதாக டி.என்.பாளையம் பகுதியை சேர்ந்த சுப்பு (35) என்பவரை வனத்துறையினர் கைது செய்தனர்.