பிரம்மதேசம் அருகே மரத்தில் மோட்டார் சைக்கிள் மோதல் வாலிபர் பலி

பிரம்மதேசம்

பிரம்மதேசத்தை அடுத்த முன்னூர் கிராமம் எம்.ஜி.ஆர். நகர் பகுதியை சேர்ந்தவர் பிரபு(வயது 41). இவர் நேற்று முன்தினம் இரவு மோட்டார் சைக்கிளில் சிறுவாடி கிராமம் நோக்கி சென்று கொண்டிருந்தார்.  சிங்கநந்தல் கிராமம் அருகே வந்தபோது கட்டுப்பாட்டை இழந்த மோட்டார் சைக்கிள் சாலையோரம் நின்ற பனை மரத்தின் மீது மோதி விபத்துக்குள்ளானது. இதில் படுகாயம் அடைந்த பிரபு சம்பவ இடத்திலேயே பரிதாபமாக உயிரிழந்தார். இதுகுறித்து பிரம்மதேசம் போலீசார் வழக்குப்பதிவுசெய்து விசாரணை நடத்தி வருகிறார்கள். விபத்தில் பலியான பிரபுவுக்கு சித்ரா என்ற மனைவியும், சதீஷ், தினா என்ற 2 மகன்களும் உள்ளனர்.