கல்லால் தாக்கி பெண் கொலை

சோழவந்தான், 

சோழவந்தான் அருகே பெண்ணை கல்லால் தாக்கி கொலை செய்த கணவரை வலைவீசி தேடி வருகின்றனர். 

சோழவந்தான் அருகே விக்கிரமங்கலம் காவல் நிலையத்துக்கு உட்பட்ட தெப்பத்துப்பட்டி கிராமத்தை சேர்ந்தவர் பெருமாள் (வயது 30). இவரது மனைவி பாண்டியம்மாள் (25). இவர்களுக்கு 8 வயதில் பெண் குழந்தையும், 5 வயதில் ஆண் குழந்தையும் உள்ளனர். பெருமாளின் சொந்த ஊர் கோம்பை ஆகும். தற்போது அவர் தெப்பத்துப்பட்டி கிராமத்தில் டிரைவராக வேலை பார்த்து வந்தார். அடிக்கடி கணவன், மனைவிக்கு இடையே தகராறு ஏற்பட்டு வந்துள்ளது. இந்தநிலையில் நேற்று மாலை பாண்டியம்மாள் தோட்டத்தில் தக்காளி பறித்து கொண்டிருந்தார். அப்போது அங்கு வந்த பெருமாள், பாண்டியம்மாளின் தலையின் கல்லால் தாக்கி விட்டு அங்கிருந்து தப்பி சென்று விட்டார். இதில் நிலை குலைந்து பாண்டியம்மாள் கீழே விழுந்து உயிருக்கு போராடிக்கொண்டிருந்தார். 

இதைப் பார்த்து அதிர்ச்சி அடைந்த அக்கம் பக்கத்தினர் அவரை மீட்டு மதுரை அரசு ஆஸ்பத்திரியில் சேர்த்தனர். அங்கு சிகிச்சை பலனளிக்காமல் நேற்று இரவு பாண்டியம்மாள் பரிதாபமாக இறந்தார். 

இதுகுறித்து விக்கிரமங்கலம் போலீஸ் இன்ஸ்பெக்டர் சிவசக்தி மற்றும் போலீசார் வழக்குப்பதிவு செய்து தப்பி ஓடிய பெருமாளை வலைவீசி தேடி வருகின்றனர். இந்த சம்பவம் அப்பகுதியில் பரபரப்பை ஏற்படுத்தி உள்ளது.