காரிமங்கலத்தில் அதிமுக சார்பில் பொதுமக்களுக்கு அன்னதானம் வழங்கும் நிகழ்ச்சி

காரிமங்கலம்:

தமிழக முன்னாள் முதல்-அமைச்சர் ஜெயலலிதா பிறந்தநாளையொட்டி தர்மபுரி மாவட்ட அ.தி.மு.க. மற்றும் காரிமங்கலம் ஒன்றிய, நகர அ.தி.மு.க. சார்பில் ராமசாமி கோவில் அருகே பொதுமக்களுக்கு அன்னதானம் வழங்கும் நிகழ்ச்சி நடந்தது. இந்த நிகழ்ச்சியை மாவட்ட செயலாளரும், முன்னாள் அமைச்சருமான கே.பி. அன்பழகன் எம்.எல்.ஏ. தொடங்கி வைத்தார். காலை முதல் மாலை வரை  பொதுமக்களுக்கு அன்னதானம் வழங்கப்பட்டது. இதில் எம்.எல்.ஏ.க்கள் கோவிந்தசாமி, சம்பத்குமார், மத்திய கூட்டுறவு வங்கி தலைவர் எஸ்.ஆர். வெற்றிவேல், ஒன்றிய செயலாளர் செந்தில்குமார், மத்திய கூட்டுறவு வங்கி இயக்குனர் பொன்னுவேல், கூட்டுறவு சர்க்கரை ஆலை இயக்குனர் ரவிசங்கர், நகர செயலாளர் காந்தி, முன்னாள் கவுன்சிலர் பிரகாஷ், வக்கீல் பாரதி, ஊராட்சி மன்ற தலைவர்கள் சாந்தி சம்பத், கவிதா நாகராஜன், ஒன்றிய கவுன்சிலர்கள் கணபதி, காவேரியம்மாள் மாணிக்கம், மாது உள்பட பலர் கலந்து கொண்டனர்.