வருவாய் கோட்டாட்சியருக்கு பிரிவு உபசார விழா

இலுப்பூர் வருவாய் கோட்டாட்சியராக தண்டாயுதபாணி பணியாற்றி வந்தார். இந்நிலையில் அவர் விடுவிக்கப்பட்டதையடுத்து, புதிய வருவாய் கோட்டாட்சியராக குழந்தைசாமி கடந்த 2 நாட்களுக்கு முன்பு  பொறுப்பேற்றுக் கொண்டார். இதையடுத்து முன்னாள் வருவாய் கோட்டாட்சியர் தண்டாயுதபாணிக்கு பிரிவு உபசார விழா நடந்தது. இலுப்பூர் பேரூராட்சி சமுதாய கூடத்தில் நடந்த விழாவிற்கு இலுப்பூர் வருவாய் கோட்டாட்சியர் குழந்தைசாமி முன்னிலை வகித்தார். கோட்டாட்சியரின் நேர்முக உதவியாளர் தமிழ்மணி வரவேற்றார். இதில் மாவட்ட கலெக்டரின் நேர்முக உதவியாளர் (பொது) தங்கவேலு, இலுப்பூர் துணை போலீஸ் சூப்பிரண்டு அருள்மொழிஅரசு, தாசில்தார்கள் முத்துக்கருப்பன், சரவணன், ஜெயபாரதி, பெரியநாயகி, அன்னவாசல் ஊராட்சி ஒன்றிய வட்டார வளர்ச்சி அலுவலர் வேலு, சுவாமிநாதன் உள்பட பலர் வாழ்த்திப் பேசினர். விழாவில் வருவாய்த்துறையை சேர்ந்த திரளான அலுவலர்கள் கலந்து கொண்டனர்.