கிருஷ்ணகிரியில் விபத்தில் வாலிபர் பலி

கிருஷ்ணகிரி:

திருப்பத்தூர் மாவட்டம் குன்னம்கொட்டாய் பகுதியை சேர்ந்தவர் நவீன் (வயது 25). இவர் மோட்டார்சைக்கிளில் கிருஷ்ணகிரியில் உள்ள ராயக்கோட்டை மேம்பாலம் அருகில் சென்று கொண்டிருந்தார். அப்போது அந்த வழியாக சென்ற அடையாளம் தெரியாத வாகனம் மோட்டார் சைக்கிள் மீது மோதி விட்டு சென்று விட்டது. இதில் பலத்த காயம் அடைந்த நவீன் சம்பவ இடத்திலேயே பலியானார். இந்த விபத்து குறித்து கிருஷ்ணகிரி தாலுகா போலீசார் விசாரணை நடத்தி வருகிறார்கள்.