இளம்பெண்ணிடம் 3 பவுன் தங்கச்சங்கிலி பறிப்பு

புதுக்கோட்டை மாவட்டம் ஆலங்குடி அருகே எஸ்.குலவாய்பட்டியை சோ்ந்த செந்தில்குமாரின் மனைவி சத்யபிரியா (வயது 26). இவர் சம்பவத்தன்று திருவப்பூர் முத்துமாரியம்மன் கோவில் திருவிழாவுக்கு வந்திருந்தார். அப்போது கூட்ட நெரிசலில் அவரது கழுத்தில் கிடந்த 3 பவுன் தங்கச்சங்கிலியை மர்மநபர்கள் பறித்து சென்றனர். இது தொடர்பாக திருக்கோகர்ணம் போலீஸ் நிலையத்தில் சத்யபிரியா புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர். மேலும் நகையை பறித்து சென்ற மர்மநபர்களை கண்காணிப்பு கேமராவில் பதிவான காட்சி மூலம் தேடி வருகின்றனர்.