பஞ்சு மில் அருகே தீப்பற்றியதால் பரபரப்பு

தா.பேட்டையில், தனியார் பஞ்சு மில் இயங்கி வருகிறது. இந்த மில்அருகே உள்ள காட்டுப்பகுதியில் நேற்று நள்ளிரவில் திடீரென தீப்பற்றியது. வெயில் காரணமாக காய்ந்த சருகுகள், செடிகளில் மளமளவென தீ பற்றிக் கொண்டது. இதுகுறித்து அப்பகுதியினர் முசிறி தீயணைப்பு நிலையத்திற்கு தகவல் தெரிவித்தனர். அதன்பேரில், தீயணைப்பு நிலைய வீரர்கள் சம்பவ இடத்திற்கு விரைந்து வந்து தண்ணீரை பீய்ச்சி அடித்து தீயை அணைத்தனர். உரிய நேரத்தில் தீ அணைக்கப்பட்டதால் பஞ்சு மில் தப்பியது. இல்லையேல் மிகப்பெரிய பாதிப்பு ஏற்பட்டு இருக்கும். இந்த சம்பவம் அப்பகுதியில் பரபரப்பை ஏற்படுத்தியது.