ரெயில்வே போலீஸ்காரர் தற்கொலை

மதுரை

மதுரை பி.பி.குளம் இந்திரா நகர் 2-வது தெருவை சேர்ந்தவர் ரவி (வயது 41). இவர் ராமநாதபுரத்தில் ரெயில்வே போலீஸ்காரராக வேலை பார்த்து வந்தார். கபடி வீரரான இவர் அடிக்கடி கபடி விளையாட்டிற்காக வெளியூர் செல்வது வழக்கம். கடந்த சில நாட்களாக அவர் மனவருத்தத்தில் இருந்து வந்தார். சம்பவத்தன்று வீட்டில் தனியாக இருந்த ரவி, திடீரென்று தூக்குப்போட்டு தற்கொலை செய்து கொண்டார். இது குறித்த புகாரின் பேரில் தல்லாகுளம் போலீசார் வழக்குப்பதிவு செய்து தற்கொலைக்கான காரணம் குறித்து விசாரணை நடத்தி வருகிறார்கள்.