சிறுமிக்கு பாலியல் தொந்தரவு கொடுத்தவருக்கு 3 ஆண்டு சிறை

திருச்சி, மார்ச்.17-
மணப்பாறை தாலுகா ஆவாரம்பட்டி பகுதியை சேர்ந்தவர் வேளாங்கன்னி (வயது 48). இவர் வீட்டில் தனியாக தூங்கி கொண்டிருந்த 10-ம் வகுப்பு மாணவிக்கு பாலியல் தொந்தரவு கொடுத்துள்ளார். இது குறித்த புகாரின் பேரில் மணப்பாறை அனைத்து மகளிர் போலீசார் வேளாங்கன்னி மீது போக்சோ சட்டத்தில் வழக்குப்பதிவு செய்து கைது செய்தனர்.
இதையடுத்து இந்த வழக்கு திருச்சி மகிளா கோர்ட்டில்  நீதிபதி ஸ்ரீவட்சன் முன்னிலையில் விசாரணைக்கு வந்தது. இதில் அந்த மாணவி சார்பில் அரசு சிறப்பு வக்கீல் அருட்செல்வி வாதாடினார். இதில் வேளாங்கன்னிக்கு 3 ஆண்டு சிறை தண்டனை மற்றும் ரூ.10 ஆயிரம் அபராதம் விதித்து உத்தரவிட்டார்.