தினத்தந்தி புகார் பெட்டி

திருவாரூர் பழைய பஸ் நிலையத்தில் இருந்து பனகல் சாலையை இணைக்கும் ஓடம்போக்கி ஆற்றுப்பாலத்தில் புதிதாக தார் சாலை அமைப்பதற்காக பழைய சாலை பெயர்க்கப்பட்டது. இந்த நிலையில் சாலை பெயர்க்கப்பட்டு நீண்ட நாட்கள் ஆகியும் புதிய சாலை அமைப்பதற்கான பணிகள் தொடங்கப்படவில்லை. இதனால் ஓடம்போக்கி ஆற்றுப்பால சாலையை பொதுமக்கள் பயன்படுத்த முடியாத சூழல் ஏற்ப்பட்டுள்ளது. இதன் காரணமாக அந்த பகுதியில் போக்குவரத்து நெரிசல் ஏற்படுகிறது. மேலும், அந்த வழியாக வேலைக்கு செல்பவர்களும், மாணவ-மாணவிகளும் சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் புதிய தார் சாலை அமைக்கும் பணியை விரைந்து முடிக்க நடவடிக்கை எடுப்பார்களா?

                                                                                                                                      -முகமதுகடாபி, திருவாரூர்.