திருவள்ளூரில் கீரை வியாபாரி வீட்டில் நகை-பணம் கொள்ளை

திருவள்ளூர்,  

திருவள்ளூர் அம்சா நகரை சேர்ந்தவர் கத்தியப்பன் (வயது 60). இவரது மனைவி விஜயா (50). கணவன், மனைவி இருவரும் சென்னை அம்பத்தூர் பகுதியில் கீரை வியாபாரம் செய்து வருகின்றனர். இந்த நிலையில் நேற்று முன்தினம் வழக்கம் போல இருவரும் வீட்டை பூட்டிவிட்டு வியாபாரத்திற்காக சென்னை அம்பத்தூர் சென்று விட்டனர். பின்னர், இரவு திரும்பி வந்து பார்த்தபோது, வீட்டின் பின்பக்க கதவின் பூட்டு உடைக்கப்பட்டு இருப்பதை கண்டு அதிர்ச்சி அடைந்தனர்.

அதைத்தொடர்ந்து, அவர்கள் வீட்டிற்குள் சென்று பார்த்த போது, பீரோ உடைக்கப்பட்டு அதில் இருந்த 14 பவுன் தங்க நகையும், ரூ.1 லட்சத்து 50 ஆயிரமும் திருட்டு போனது தெரியவந்தது.

இதுகுறித்து திருவள்ளூர் தாலுகா போலீசில் புகார் செய்யப்பட்டது. இன்ஸ்பெக்டர் பத்மஸ்ரீ பபி, சப்-இன்ஸ்பெக்டர்கள் சுரேஷ், வெங்கடேசன் ஆகியோர் வழக்குப்பதிவு செய்து கீரை வியாபாரி வீட்டின் பூட்டை உடைத்து கொள்ளை முயற்சியில் ஈடுபட்ட மர்ம நபர்களை தீவிரமாக தேடி வருகின்றனர்.