<
திருப்பத்தூர் மாவட்ட மாணவ- மாணவிகள் விளையாட்டு விடுதியில் சேருவதற்கான தேர்வு. 24-ந் தேதி ஜோலார்பேட்டையில் நடக்கிறது.
திருப்பத்தூர் மாவட்ட மாணவ- மாணவிகள் விளையாட்டு விடுதியில் சேருவதற்கான தேர்வு வருகிற 24-ந் தேதி ஜோலார்பேட்டையில் நடக்கிறது.
திருப்பத்தூர்
திருப்பத்தூர் மாவட்ட மாணவ- மாணவிகள் விளையாட்டு விடுதியில் சேருவதற்கான தேர்வு வருகிற 24-ந் தேதி ஜோலார்பேட்டையில் நடக்கிறது.
இதுகுறித்து திருப்பத்தூர் மாவட்ட கலெக்டர் அமர்குஷ்வாஹா வெளியிட்டுள்ள செய்தி குறிப்பில் கூறியிருப்பதாவது:-
விளையாட்டு விடுதியில் சேர்க்கை
பள்ளிகளில் பயிலும் மாணவ, மாணவிகளுக்கு விளையாட்டு மேம்பாடு மற்றும் இளைஞர் நலத் துறையின் கீழ் விளையாட்டுத் துறையில் சாதனைகள் புரியதற்கு ஏற்ப நல்ல பயிற்சி, தங்குமிட வசதி மற்றும் சத்தான உணவுடன் கூடிய விளையாட்டு விடுதிகள் மற்றும் விளையாட்டுப் பள்ளிகள் தமிழகம் முழுவதும் செயல்பட்டு வருகின்றன. மாணவர்களுக்கான விளையாட்டு விடுதி மதுரை, திருச்சி, திருநெல்வேலி கிருஷ்ணகிரி, கோயம்புத்தூர், கடலூர், தஞ்சாவூர், அரியலூர், தூத்துக்குடி, சிவகங்கை, தேனி, ராமநாதபுரம், ஊட்டி, விழுப்புரம், சென்னை, நெய்வேலி, மற்றும் நாமக்கல் ஆகிய இடங்களிலும் மாணவிகளுக்கான விளையாட்டு விடுதி ஈரோடு, திருவண்ணாமலை. நாமக்கல், திண்டுக்கல் நாகர்கோயில், பெரம்லூர், தேனி, புதுக்கோட்டை, தருமபுரி மற்றும் சென்னை ஆகிய இடங்களிலும் செயல்பட்டு வருகின்றன.
இந்த விளையாட்டு விடுதிகளில் 2022-23-ம் ஆண்டிற்கான 7, 8, 9-ம் வகுப்பு மற்றும் 11-ம் வகுப்பு மாணவ- மாணவிகள் சேர்க்கைக்காள மாவட்ட அளவிலான தேர்வு வருகிற 24-ந் தேதி காலை 8 மணி முதல் ஜோலார்பேட்டையிலுள்ள சிறுவிளையாட்டு அரங்கத்தில் நடைபெற உள்ளது.
விண்ணப்பிக்கலாம்
மாணவர்களுக்கு தடகளம். இறகுப்பந்து, கூடைப்பந்து, குத்துசண்டை, கிரிக்கெட், கோல்பந்து, வாள்சண்டை, ஜிம்னாஸ்டிக்ஸ், கைப்பந்து. ஹாக்கி. நீச்சல். டேக்வோண்டோ, வாலிபால், பளுதூக்குதல், கபாடி, மேசைப்பந்து, டென்னிஸ், ஜூடோ, ஸ்குவாஷ், வில்வித்தை ஆகிய விளையாட்டுகளிலும், மாணவிகளுக்கு தடகளம், இறகுப்பந்து, கூடைப்பந்து, குத்துச்சண்டை. கால்பந்து, வாள்சண்டை, கைப்பந்து, ஹாக்கி, நீச்சல், டேக்வாண்டோ, வாலிபால், பளுதூக்குதல், கபடி, டென்னிஸ், ஜூடோ, ஸ்குவாஷ் ஆகிய விளையாட்டுகளிலும் தேர்வுகள் நடைபெற உள்ளன.
விளையாட்டில் சிறந்து விளங்கும் மற்றும் ஆர்வம் கொண்டுள்ள மாணவ, மாணவிகள் அதற்கான உரிய படிவங்களை வருகிற 22-ந் தேதிக்குள் தமிழ்நாடு விளையாட்டு மேம்பாட்டு ஆணையத்தின் www.sdat.tn.gov.in என்னும் இணையதளம் மூலம் விண்ணப்பிக்க வேண்டும். மாவட்ட, மாநில மற்றும் தேசிய அளவில் வெற்றி பெற்ற மாணவர்களுக்கு முன்னுரிமை வழங்கப்படும்.
இவ்வாறு அதில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
