மண்டைக்காடு அருகே கடையில் இருந்த பெண்ணிடம் பணம் பறித்த 2 பேர் கைது

மணவாளக்குறிச்சி,

மண்டைக்காடு அருகே உள்ள அழகன்பாறை மூத்தாருண்ணியை சேர்ந்தவர் வில்லியம். இவரது மனைவி தங்கலீலா (வயது60). இவர் வீட்டின் அருகில் காய்கறி கடை நடத்தி வருகிறார். நேற்று முன்தினம் இவர் கடையில் இருந்த போது காளிவிளையை சேர்ந்த டேவிட்ராஜ் (26), அனீஷ் (29) ஆகியோர் வந்தனர். அவர்கள் கடைக்குள் புகுந்து தங்கலீலாவிடம் கத்தியை காட்டி பணம் கேட்டு மிரட்டினர். அவர் பணம் கொடுக்க மறுத்தார். உடனே அனீஷ் கல்லாப்பெட்டியில் இருந்து ரூ.550 எடுத்துக்கொண்டு இருவரும் தப்பி சென்றனர்.

இதுகுறித்து மண்டைக்காடு போலீஸ் நிலையத்தில் புகார் கொடுக்கப்பட்டது. அந்த புகாரின் பேரில் போலீசார் வழக்குப்பதிவு செய்து டேவிட்ராஜ், அனீஷ் ஆகிய இருவரையும் கைது செய்தனர்.