<
ஆற்காடு அருகே மோட்டார் சைக்கிள் மீது கார் மோதி தந்தை-மகன் பலி
ஆற்காடு அருகே மோட்டார் சைக்கிள் மீது கார் மோதிய விபத்தில் தந்தை-மகன் பரிதாபமாக இறந்தனர். இதுகுறித்து போலீசார் விசாரணை நடத்தி வருகின்றனர்.
ஆற்காடு
ஆற்காடு அருகே மோட்டார் சைக்கிள் மீது கார் மோதிய விபத்தில் தந்தை-மகன் பரிதாபமாக இறந்தனர். இதுகுறித்து போலீசார் விசாரணை நடத்தி வருகின்றனர்.
கார் மோதியது
ராணிப்பேட்டை மாவட்டம் கீழ்விஷாரம் பகுதியை சேர்ந்தவர் மசூர் அஹமத் (வயது 49), இவர் ராணிப்பேட்டையில் உள்ள தனியார் தோல் தொழிற்சாலையில் தொழிலாளியாக வேலை செய்து வந்தார். இவரது மகன் முயிஸ் (6) அதே பகுதியில் உள்ள ஒரு பள்ளியில் 1-ம் வகுப்பு படித்து வந்தான்.
இந்த நிலையில் நேற்று மாலை மசூர்அஹமத் தனது மகனை மோட்டார் சைக்கிளில் அழைத்துக்கொண்டு மேல் விஷாரத்தில் இருந்து கீழ்விஷாரம் நோக்கி வந்தார். அப்போது பின்னால் வந்த கார் மோட்டார் சைக்கிள் மீது மோதியது.
தந்தை-மகன் பலி
இந்த விபத்தில் மசூர் அஹமத் சம்பவ இடத்திலேயே பரிதாபமாக இறந்தார். ஆபத்தான நிலையில் இருந்த முயிசை அக்கம்பக்கத்தினர் மீட்டு சிகிச்சைக்காக வேலூரில் உள்ள தனியார் மருத்துவமனையில் சேர்த்தனர். அங்கு சிகிச்சை பலனின்றி சிறிது நேரத்திலேயே முயிஸ் பரிதாபமாக இறந்தான்.
இதுகுறித்த புகாரின்பேரில் ஆற்காடு டவுன் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
