ஆற்றில் மூழ்கி முதியவர் சாவு

நெல்லை:

நெல்லை ராமையன்பட்டி சங்குமுத்தம்மாள்புரம் எம்.ஜி.ஆர். நகரை சேர்ந்தவர் பீமன் (வயது 70). இவர் நேற்று நெல்லை சந்திப்பு மேகலிங்கபுரம் பகுதியில் ஆற்றில் குளித்துக் கொண்டிருந்தார். அப்போது திடீரென அவர் தண்ணீரில் மூழ்கி பரிதாபமாக உயிரிழந்தார். இதுகுறித்து தகவல் அறிந்த நெல்லை சந்திப்பு போலீசார் சம்பவ இடத்திற்கு சென்று உடலை கைப்பற்றி பிரேத பரிசோதனைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.