கயத்தாறில் விவசாயிகள் ஆர்ப்பாட்டம்

கயத்தாறு தாலுகா அலுவலகம் முன்பு நேற்று காலையில் தெற்கு மயிலோடை பஞ்சாயத்து தலையால் நடந்தான்குளம் கிராம விவசாயிகள் ஆர்ப்பாட்டம் நடத்தினர். அந்த கிராமத்திலுள்ள வேட்டவராயன் குளத்தின் கரைகளை அழித்து  தனிநபர் ஒருவர் தோட்டமாக மாற்றியதால், 150 ஏக்கர் பாசனம் பாதிக்கப்பட்டுள்ளதாகவும், அந்த தனிநபர்மீது நடவடிக்கை எடுப்பதுடன், குளத்தை மீட்க கோரி இந்த ஆர்ப்பாட்டம் நடந்தது. பின்னர் விவசாயிகள் மண்டல துணை தாசில்தார் சுபாவிடம் கோரிக்கை மனு கொடுத்தனர். இந்த மனு மீது உடனடியாக முறையான நடவடிக்கை எடுக்க படும் என அவர் தெரிவித்தார். இதைதொடர்ந்து விவசாயிகள் கலைந்து சென்றனர்.