<
மாரண்டஅள்ளி அருகே டிராக்டர் கவிழ்ந்து விவசாயி சாவு
மாரண்டஅள்ளி அருகே டிராக்டர் கவிழ்ந்து விவசாயி பரிதாபமாக இறந்தார்.
பாலக்கோடு:
மாரண்டஅள்ளி அருகே டிராக்டர் கவிழ்ந்து விவசாயி பரிதாபமாக இறந்தார்.
விவசாயி
தர்மபுரி மாவட்டம், மாரண்டஅள்ளி அருகே உள்ள எம்.செட்டிஅள்ளி கிராமத்தை சேர்ந்தவர் பெரியசாமி (வயது35) விவசாயி. இவருக்கு சொந்தமான, 2 ஏக்கர் நிலம் கெண்டையனஅள்ளி கிராமத்தில் உள்ளது. அதில் மஞ்சள் சாகுபடி செய்து இருந்தார். இந்த மஞ்சளை அறுவடை செய்த அவர் நேற்று டிராக்டரில் ஏற்றிக்கொண்டு வந்தார்.
எம்.செட்டிஅள்ளி அருகே வந்தபோது கட்டுபாட்டை இழந்து டிராக்டர் திடீரென சாலையோரம் இருந்த ஓடையில் கவிழ்ந்து விபத்துக்குள்ளானது. இந்த விபத்தில் பெரியசாமி இடிபாடுகளில் சிக்கி உடல் நசுங்கி சம்பவ இடத்திலேயே பரிதாபமாக உயிரிழந்தார். இந்த விபத்து குறித்து மாரண்டஅள்ளி போலீசுக்கு தகவல் தெரிவிக்கப்பட்டது.
போலீசார் விசாரணை
அதன்பேரில் போலீசார் சம்பவ இடத்திற்கு விரைந்து சென்று பெரியசாமியின் உடலை கைப்பற்றி பிரேத பரிசோதனைக்காக பாலக்கோடு அரசு ஆஸ்பத்திரிக்கு அனுப்பி வைத்தனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர். டிராக்டர் கவிழ்ந்து விவசாயி இறந்த சம்பவம் அந்த பகுதியில் சோகத்தை ஏற்படுத்தியது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
