வாலிபர் தற்கொலை

சோழவந்தான்

மதுரை மாவட்டம் சோழவந்தான் ெரயில்நிலையம் அருகே தண்டவாளத்தில் உடல் துண்டான நிலையில் ஆண் பிணம் கிடப்பதாக மதுரை ெரயில்வே போலீசாருக்கு தகவல் கிடைத்தது. இதன் பேரில் சம்பவ இடத்திற்கு ெரயில்வே போலீசார் விரைந்து வந்தனர். பின்னர் பிணத்தை கைப்பற்றி சோழவந்தான் அரசு ஆஸ்பத்திரிக்கு பிேரத பரிசோதனைக்காக அனுப்பி வைத்தனர். போலீசாரின் விசாரணையில் இறந்து கிடந்தவர் சோழவந்தான் தெற்குரத வீதியை சேர்ந்த சீனிவாசன் மகன் மூர்த்தி (வயது 27) என்பதும், இவர் மதுரையில் மருந்து விற்பனை பிரதிநிதியாக வேலை செய்து வந்ததும் தெரியவந்தது. இவரது மனைவி நித்தியலட்சுமி பிரசவத்திற்காக தாய் வீட்டுக்கு சென்னை சென்றுள்ளார். அங்கு அவருக்கு குழந்தை பிறந்துள்ளது.இந்நிலையில் மூர்த்தி 3 நாட்களாக மனநிலை சரியில்லாதவர் போல் இருந்ததாகவும், நேற்று அதிகாலை ெரயில் முன்பாய்ந்து தற்கொலை செய்து கொண்டதாகவும் விசாரணையில் தெரியவந்துள்ளது.  சம்பவ இடத்திற்கு வந்த பெற்றோர் மற்றும் உறவினர், நண்பர்கள் மூர்த்தி இறந்து கிடப்பதை பார்த்து கதறி அழுதது நெஞ்சை உருக்கியது. இதுதொடர்பாக மதுரை ெரயில்வே போலீஸ் சப்-இன்ஸ்பெக்டர் சையதுகுலாம் தஸ்தகீர் மற்றும் போலீசார் வழக்குப்பதிவு செய்து மூர்த்தி தற்கொலை செய்து கொண்டதற்காக காரணம் என்ன என விசாரித்து வருகின்றனர்.