மாணவியிடம் சில்மிஷம் வாலிபர் கைது

விழுப்புரம், 

விழுப்புரம் அருகே உள்ள முகையூரை சேர்ந்தவர் ஆரோக்கியசாமி மகன் ஆல்வின் மெல்கியூர் (வயது 25). இவர் அதே பகுதியை சேர்ந்த 9-ம் வகுப்பு படிக்கும் 14 வயதுடைய மாணவியை கடந்த 6 மாதமாக காதலித்து வந்துள்ளார். கடந்த சில நாட்களுக்கு முன்பு மாணவியை ஆல்வின் மெல்கியூர், தனியாக அழைத்துச்சென்று சில்மிஷத்தில் ஈடுபட முயன்றார். அதற்கு மறுப்பு தெரிவித்ததால் ஆத்திரமடைந்த ஆல்வின் மெல்கியூர், அம்மாணவியை திட்டி கொலை மிரட்டல் விடுத்தார். இதுகுறித்து மாணவி, விழுப்புரம் அனைத்து மகளிர் போலீஸ் நிலையத்தில் புகார் செய்தார். அதன்பேரில் ஆல்வின் மெல்கியூர் மீது போக்சோ சட்டத்தின் கீழ் போலீசார் வழக்குப்பதிவு செய்து அவரை கைது செய்து சிறையில் அடைத்தனர்.