சைபர் கிரைம் போலீசாருக்கு டி.ஐ.ஜி. பாராட்டு

அரியலூர் மாவட்டம், காமரசவல்லியை சேர்ந்த ஒருவரிடம்  ரூ.24 லட்சம் மோசடி செய்த 4 பேரை சைபர் கிரைம் போலீசார் கைது செய்து சிறையில் அடைத்தனர். இந்த வழக்கில் சிறப்பாக பணிபுரிந்த சைபர் கிரைம் போலீஸ் இன்ஸ்பெக்டர் செங்குட்டுவன், சப்-இன்ஸ்பெக்டர் மணிகண்டன், போலீஸ் ஏட்டு ஜாஹீர் உசைன், முதல் நிலை போலீஸ்காரர் சுரேஷ்பாபு, போலீஸ்காரர் அரவிந்தசாமி அடங்கிய 5 பேர் கொண்ட தனிப்படையினரை திருச்சி சரக போலீஸ் டி.ஐ.ஜி. சரவணசுந்தர் நேரில் அழைத்து சான்றிதழ்கள் மற்றும் வெகுமதி வழங்கி பாராட்டினார். மேலும் அவர் இதுபோன்ற குற்ற சம்பவங்களில் ஈடுபடுபவர்களை தொடர்ந்து கண்காணித்து நடவடிக்கை எடுக்குமாறு சைபர் கிரைம் போலீசாருக்கு அறிவுறுத்தினார்.