விக்கிரமசிங்கபுரத்தில் பெண்ணிடம் நகை பறிப்பு

விக்கிரமசிங்கபுரம்:

விக்கிரமசிங்கபுரம் அம்மன் கோவில் தெருவை சேர்ந்தவர் வனராஜ். இவருடைய மனைவி கற்பகம் (வயது 60). இவர் விக்கிரமசிங்கபுரம் பகுதியில் அதிகாலையில் நடைபயிற்சி சென்று கொண்டிருந்தார். அப்போது பின்னால் நடந்து வந்த மர்ம நபர், கற்பகம் அணிந்திருந்த 4 பவுன் தங்க நகையை பறித்துக்கொண்டு தப்பி ஓடிவிட்டார். இதுகுறித்த புகாரின் பேரில் விக்கிரமசிங்கபுரம் போலீசார் வழக்குப்பதிவு செய்து தப்பியோடிய மர்ம நபரை தேடி வருகின்றனர்.