பாம்பு கடித்து விவசாயி சாவு

அரியலூர் மாவட்டம், தா.பழூர் அருகே உள்ள கீழமைக்கேல்பட்டி கீழத் தெருவை சேர்ந்தவர் அடைக்கலம் (வயது 38). விவசாயி. சம்பவத்தன்று இவா் தனது கடலை வயலுக்கு தண்ணீர் பாய்ச்ச சென்றார். அப்போது வயலில் இருந்த கட்டுவிரியன் பாம்பு ஒன்று அவரது காலில் கடித்தது. இதில் மயங்கிய அவரை உறவினர்களை மீட்டு கும்பகோணம் அரசு மருத்துவமனைக்கு சிகிச்சைக்காக கொண்டு சென்றனர். அங்கிருந்து மேல் சிகிச்சைக்காக தஞ்சாவூர் அரசு மருத்துவக் கல்லூரி மருத்துவமனையில் சேர்க்கப்பட்டார். அங்கு தீவிர சிகிச்சை பிரிவில் அனுமதிக்கப்பட்டு அவருக்கு சிகிச்சை அளிக்கப்பட்டது. இருந்தாலும், அங்கு சிகிச்சை பலனின்றி நேற்று அவர் உயிரிழந்தார். இதுகுறித்து அடைக்கலத்தின் தந்தை மைக்கேல் செல்வம் தா.பழூர் போலீசில் கொடுத்த புகாரின்பேரில், போலீஸ் இன்ஸ்பெக்டர் ஜெகதீசன் விசாரணை நடத்தி வருகிறார்.