புகையிலை பொருட்கள் விற்ற 2 பேர் கைது

கிருஷ்ணகிரி:

கிருஷ்ணகிரி டவுன் போலீசார் 5 ரோடு அருகில் ரோந்து சென்றனர். அந்த பகுதியில் தடை செய்யப்பட்ட புகையிலை பொருட்களை பெட்டிக்கடையில் விற்ற எலுமிச்சங்கிரி தேவேந்திரன் (வயது 42) என்பவரை போலீசார் கைது செய்தனர். அவரிடம் இருந்து 35 பாக்கெட்டுகள் பறிமுதல் செய்யப்பட்டன. இதேபோல உத்தனப்பள்ளி போலீசார் வரகானப்பள்ளி பகுதியில் ரோந்து சென்றனர். அங்கு புகையிலை பொருட்கள் விற்ற ஜெயம்மா (65) என்பவரை கைது செய்தனர். அவரிடம் இருந்து 20 பாக்கெட்டுகள் பறிமுதல் செய்யப்பட்டன.