மாத சீட்டு நடத்தி ரூ.1¾ லட்சம் மோசடி

விருத்தாசலம், 

விருத்தாசலம் பழமலைநாதர் நகரைச் சேர்ந்தவர் குஞ்சிதபாதம் மனைவி செல்வரத்தினம் (வயது 65). இவர் அதேபகுதியைச் சேர்ந்த ராஜசேகர் மற்றும் அவரது மனைவி மீனா ஆகியோரிடம் மாத சீட்டு போட்டதுடன், ரூ.1 லட்சத்து 90 ஆயிரம் கட்டியிருந்தார். அதன்பிறகு செல்வரத்தினம் தான் கட்டிய சீட்டு பணத்தை ராஜசேகர், மீனாவிடம் கேட்டு வந்தார். ஆனால் கணவன்-மனைவி இருவரும் கட்டிய சீட்டு பணத்தை தராமல் மோசடி செய்து விட்டதாக கூறப்படுகிறது. இதுகுறித்து செல்வரத்தினம் கொடுத்த புகாரின்பேரில் ராஜசேகர், மீனா ஆகியோர் மீது விருத்தாசலம் போலீசார் வழக்குப்பதிவு செய்து விசாரித்து வருகின்றனர்.