வெயிலில் பணியாற்றும் போலீசாருக்கு குளிர்பானம்

தினத்தந்தி 25 March 2022 8:01 PM IST (Updated: 25 March 2022 8:01 PM IST)

வெயிலில் பணியாற்றும் போலீசாருக்கு குளிர்பானம் வழங்க வழங்கப்பட்டு வருகிறது.

பரமக்குடி,

கோடை வெயில் தொடங்கிவிட்டது. இதனால் பரமக்குடியில் காலை முதல் மாலை வரை சாலை பாதுகாப்பு பணிகளில் ஈடுபடும் போலீசார் வெயிலில் இருந்து தங்களை பாதுகாத்துக் கொள்ள அவர்களுக்கு தினமும் குளிர்பானம் வழங்க மாவட்ட காவல்துறை கண்காணிப்பாளர் கார்த்திக் உத்தரவிட்டுள்ளார்.அதன்படி அவர்களுக்கு குளிர்பானங்கள் வழங்கும் திட்டம் நேற்று முதல் தொடங்கப்பட்டது. அதை பரமக்குடி காவல்துறை துணை கண்காணிப்பாளர் திருமலை தொடங்கிவைத்தார். பரமக்குடி போக்குவரத்து காவல் துறை ஆய்வாளர் காமராஜ் முன்னிலை வகித்தார். அதன்படி பரமக்குடியில் உள்ள அனைத்து காவல் துறையினருக்கும் குளிர்பானங்கள் வழங்கப்பட்டது. மேலும் தினமும் அவர்களுக்கு காலை, மாலை வேளைகளில் டீ, காபி மற்றும் சுத்திகரிக்கப்பட்ட குடிநீர், மோர், இளநீர், எலுமிச்சை சாறு, பழச்சாறுகள் மற்றும் குளிர்பானங்கள் விலையில்லாமல் வழங்க நடவடிக்கை எடுக்கப்பட்டுள்ளது என போலீசார் தெரிவித்தனர்.