சுசீந்திரத்தில் சாலையில் மயங்கி கிடந்த மூதாட்டி சாவு

மேலகிருஷ்ணன்புதூர், 

சுசீந்திரம் தாணுமாலையசாமி கோவில் அருகே உள்ள சாலையில் சுசீந்திரம் கிராம நிர்வாக அலுவலர் பாலகிருஷ்ணன் மற்றும் உதவியாளர் ரமணி ஆகியோர் சென்று கொண்டிருந்தனர். அப்போது, சுமார் 70 வயது மதிக்கத்தக்க மூதாட்டி ஒருவர் மயங்கிய நிலையில் கிடப்பதை கண்டு அதிர்ச்சி அடைந்தனர். உடனே, அவரை மீட்டு சிகிச்சைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். அங்கு அவரை பரிசோதனை செய்த டாக்டர்கள் ஏற்கனவே மூதாட்டி இறந்து விட்டதாக தெரிவித்தனர். பின்னர், இதுகுறித்து சுசீந்திரம் கிராம நிர்வாக அதிகாரி பாலகிருஷ்ணன் சுசீந்திரம் போலீசில் புகார் செய்தார். அதன்பேரில் சுசீந்திரம் போலீஸ் இன்ஸ்பெக்டர் சாயிலெட்சுமி சப்-இன்ஸ்பெக்டர் ஆஷாஜெபகர் ஆகியோர் வழக்குப்பதிவு செய்து இறந்த மூதாட்டி யார்?, அவர் எந்த ஊரைச் சேர்ந்தவர்?, எப்படி இறந்தார்? என்பது குறித்து விசாரணை நடத்தி வருகின்றனர்.