மதுபோதையில் டிரான்ஸ்பார்மாில் ஏறியவர் மின்சாரம் தாக்கி பலி

வத்திராயிருப்பு, 

வத்திராயிருப்பு அருகே மேற்கு தொடர்ச்சி மலை அடிவாரத்தில் அத்திகோவில் உள்ளது. இந்த பகுதியை சேர்ந்தவர் மூக்கன் மகன் ஈஸ்வரன் (வயது 22). இவர் மது குடித்துவிட்டு அந்தப்பகுதியில் இருந்த டிரான்ஸ்பார்மர் மீது ஏறி உள்ளார். அப்போது மின்சாரம் தாக்கி அங்கேயே தொங்கிய நிலையில் உயிரிழந்தார். இதுகுறித்து அந்த பகுதி மக்கள் கூமாபட்டி போலீசாருக்கு தகவல் தெரிவித்தனர். இதுகுறித்து தகவலறிந்த போலீசார் சம்பவ இடத்திற்கு வந்து ஈஸ்வரனின் உடலை மீட்டு பிரேத பரிசோதனைக்காக வத்திராயிருப்பு அரசு மருத்துவமனைக்கு அனுப்பி வைத்தனர். பின்னர் பரிசோதனைக்கு பிறகு அவரது உடல் உறவினர்களிடம் ஒப்படைக்கப்பட்டது. இச்சம்பவம் குறித்து கூமாப்பட்டி போலீசார் விசாரணை நடத்தி வருகின்றனர்.