கொரோனா தடுப்பூசி முகாம்

சாத்தான்குளம்:

சாத்தான்குளம் அருகே சாலைபுதூர் ஏகரட்சகர் சபை மேல்நிலைப்பள்ளியில் அரசு ஆரம்ப சுகாதார நிலையம் சார்பில் 12 வயது முதல் 14 வயதுள்ள குழந்தைகளுக்கு கொரோனா தடுப்பூசி போடும் பணி நடைபெற்றது. 

ஆழ்வார்திருநகரி மருத்துவ அலுவலர் கார்த்திகேயன் தலைமையில் சுகாதார ஆய்வாளர் ஜேசுராஜ், மகேஷ்குமார், சுகாதார செவிலியர் மெர்சி உள்ளிட்ட மருத்துவ குழுவினர் மாணவ, மாணவிகளுக்கு பரிசோதனை நடத்தி தடுப்பூசி செலுத்தினர். இதில் 93 மாணவ, மாணவிகளுக்கு தடுப்பூசி செலுத்தப்பட்டது. இதில் உதவி தலைமை ஆசிரியர் பாக்கிய சீலி, ஆசிரியர்கள் இளங்கோ, வினோத் உள்ளிட்ட பலர் கலந்து கொண்டனர்.

இதேபோல் ஆசீர்வாதபுரம் டி.என்.டி.டி.ஏ. குருகால்பேரி மேல்நிலைப்பள்ளியிலும் மாணவர்களுக்கு கொரோனா தடுப்பூசி போடப்பட்டது.முதற்கட்டமாக 40 மாணவ-மாணவிகளுக்கு தடுப்பூசி செலுத்தப்பட்டது. தலைமை ஆசிரியர் மாணிக்கம், உதவி தலைமை ஆசிரியர் சோப்பார், உடற்கல்வி ஆசிரியர் சாமுவேல் பொன்னையா உள்ளிட்ட பலர் கலந்து கொண்டனர்.