<
அரவைக்காக 2,000 டன் நெல்
தஞ்சையில் இருந்து தருமபுரிக்கு சரக்கு ரெயிலில் 2,000 டன் நெல் அரவைக்காக அனுப்பி வைக்கப்பட்டது. மேலும் கன்னியாகுமரிக்கு 1,250 டன் அரிசியும் சரக்கு ரெயிலில் அனுப்பி வைக்கப்பட்டது.
தஞ்சாவூர்:
தஞ்சையில் இருந்து தருமபுரிக்கு சரக்கு ரெயிலில் 2,000 டன் நெல் அரவைக்காக அனுப்பி வைக்கப்பட்டது. மேலும் கன்னியாகுமரிக்கு 1,250 டன் அரிசியும் சரக்கு ரெயிலில் அனுப்பி வைக்கப்பட்டது.
நெற்களஞ்சியம்
தமிழகத்தின் நெற்களஞ்சியமாக தஞ்சை விளங்கி வருகிறது. இங்கு குறுவை, சம்பா, தாளடி என 3 போகம் நெல் சாகுபடி செய்யப்பட்டு வருகிறது. இங்கு விளைவிக்கப்படும் நெல் தமிழகத்தின் பல்வேறு பகுதிகளுக்கும் அரவைக்காக அனுப்பப்பட்டு பொதுவினியோகத்திட்டத்தின் கீழ் அரிசி வினியோகம் செய்யப்பட்டு வருகிறது.
இந்த நெல் மூட்டைகள் லாரிகள் மற்றும் சரக்கு ரெயில் மூலம் திருவள்ளூர், கோயம்புத்தூர், புதுக்கோட்டை, திருநெல்வேலி, சேலம், திருப்பூர் உள்ளிட்ட தமிழகத்தின் பல்வேறு பகுதிகளுக்கு அரவைக்காக அனுப்பப்பட்டு வருகின்றன. இது தவிர தஞ்சை மாவட்டத்தில் உள்ள பல்வேறு அரவை ஆலைகளுக்கும் அனுப்பப்படும்.
2,000 டன் நெல்
அதன்படி நேற்று தஞ்சை மாவட்டத்தில் உள்ள பல்வேறு கொள்முதல் நிலையங்கள் மற்றும் புனல்குளம், பிள்ளையார்பட்டி உள்ளிட்ட சேமிப்பு கிடங்குகளில் இருந்து 2,000 டன் நெல் 240 லாரிகளில் தஞ்சை ரெயில் நிலையத்துக்கு எடுத்துவரப்பட்டன. பின்னர் நெல் மூட்டைகள் சரக்கு ரெயிலின் 21 வேகன்களில் அரவைக்காக தருமபுரிக்கு அனுப்பி வைக்கப்பட்டது.
இதே போல் தஞ்சை மாவட்டத்தில் உள்ள பல்வேறு அரிசி ஆலைகள் மற்றும் புனல்குளம், பிள்ளையார்பட்டி, விமானப்படைநிலையம் அருகே உள்ள சேமிப்பு கிடங்குகளில் இருந்து 1,250 டன் புழுங்கல் அரிசி சரக்கு ரெயிலின் 21 வேகனங்களில் ஏற்றப்பட்டு கன்னியாகுமரிக்கு பொது வினியோகத்திட்டத்தின் கீழ் வினியோகம் செய்வதற்காக அனுப்பி வைக்கப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
