தட்டச்சு தேர்வு தொடக்கம்

பெரம்பலூர்:

தமிழ்நாடு தொழில்நுட்பத்துறை நடத்தும் தட்டச்சு தேர்வு பெரம்பலூர் ஸ்ரீராமகிருஷ்ணா பாலிடெக்னிக் கல்லூரியில் நேற்று தொடங்கியது. இதில் பெரம்பலூர் மாவட்டத்தை சேர்ந்த தமிழ் மொழி ஜூனியர் கிரேடில் 114 மாணவ- மாணவிகளும், சீனியர் கிரேடில் 77 பேரும், ஆங்கில மொழி ஜூனியர் கிரேடில் 272 பேரும், சீனியர் கிரேடில் 119 பேரும் என மொத்தம் 582 பேர் பங்கேற்றுள்ளனர். முதல்நாள் ஜூனியர் கிரேடில் 6 குழுக்கள், சீனியர் கிரேடில் 4 குழுக்களுக்கு என மொத்தம் 10 குழுக்களுக்கு தேர்வு நடைபெற்றது. அறை கண்காணிப்பாளர்கள், தட்டச்சு தேர்வினை கண்காணித்தனர். 2-வது நாளான இன்று (ஞாயிற்றுக்கிழமை) தமிழ் மொழி ஜூனியர் கிரேடில் 105 மாணவ-மாணவிகளும், சீனியர் கிரேடில் 85 பேரும், ஆங்கில மொழி ஜூனியர் கிரேடில் 216 பேரும், சீனியர் கிரேடில் 117 பேரும், உயர்வேக தேர்வில் (ஹைஸ் பீடு) தமிழ் மொழியில் 2 பேரும், ஆங்கில மொழியில் ஒருவரும், ஆங்கில மொழி பிரி ஜூனியர் கிரேடில் 6 பேரும் என மொத்தம் 529 பேர் தட்டச்சு தேர்வில் பங்கேற்க உள்ளனர், என்று மையத்தின் முதன்மை கண்காணிப்பாளரும், கல்லூரி முதல்வருமான ராஜசேகரன் தெரிவித்தார்.