தளியில் இருதரப்பினர் இடையே தகராறு 7 பேர் மீது வழக்கு

தேன்கனிக்கோட்டை:

தளி அருகே உள்ள கொடியாளம் கிராமத்தை சேர்ந்தவர் மாதேஷ் (வயது 32). இவருக்கும், அதேபகுதியை சேர்ந்த சுரேஷ் (30), என்பவருக்கும் குடும்ப தகராறு இருந்து வந்தது. சம்பவத்தன்று இருதரப்பினருக்கும் இடையே தகராறு ஏற்பட்டது. இதில் அவர்கள் கத்தி, இரும்பு கம்பியால் தாக்கி கொண்டனர். இது குறித்த புகாரின் பேரில் இருதரப்பிலும் சுரேஷ், மாதேஷ் உள்ளிட்ட 7 பேர் மீது தளி போலீசார் வழக்குப்பதிவு செய்து விசாரணை நடத்தி வருகின்றனர்.