கிராவல் மண் அள்ளிய 4 பேர் கைது

மணிகண்டம்,ஏப்.1-
மணிகண்டம் அருகே கிராவல் மண் அள்ளிய 4 பேர் கைது செய்யப்பட்டனர். மேலும் பொக்லைன் எந்திரம், 3 லாரிகள் பறிமுதல் செய்யப்பட்டன.
4 பேர் கைது
திருவெறும்பூர் துணை போலீஸ் சூப்பிரண்டு சுரேஷ்குமார் தலைமையில் நவல்பட்டு போலீஸ் இன்ஸ்பெக்டர் வெற்றிவேல் மற்றும் மணிகண்டம் போலீசார் நேற்று அதிகாலை ரோந்து பணியில் ஈடுபட்டு இருந்தனர். அப்போது, மணிகண்டத்தை அடுத்த கோலார்பட்டி அருகே உள்ள குளத்தில்  கிராவல் மண் அள்ளிய ஒரு பொக்லைன் எந்திரம், 3 டிப்பர் லாரிகளை போலீசார் பறிமுதல் செய்தனர்.
மண் அள்ளிய லாரி டிரைவர்கள் மேலபஞ்சப்பூர் மகாலிங்கம் (வயது 50), ராமு (45), கீழபஞ்சப்பூர் கருப்பையா (60),  பொக்லைன் எந்திர ஆபரேட்டர் மேக்குடி மருதுபாண்டி (27) ஆகியோரை மணிகண்டம் போலீசார் கைது செய்தனர். பின்னர் அவர்களை திருச்சி ஜே.எம். 4 கோர்ட்டில் ஆஜர்படுத்தி சிறையில் அடைத்தனர். மேலும் வாகனங்களின் உரிமையாளர்கள் கோடீஸ்வரன், வடிவேல் ஆகியோரை தேடி வருகின்றனர்.