தினத்தந்தி புகார் பெட்டி

திருவாரூர் மாவட்டம் குடவாசல் பகுதி பரவக்கரை கிராமத்தில் பொதுமக்கள் வசதிக்காக குடிநீர் மேல்நிலை நீர்த்தேக்கதொட்டி அமைக்கப்பட்டது. தற்போது இந்த குடிநீர் மேல்நிலை நீர்த்தேக்கதொட்டி பராமரிப்பின்றி சேதமடைந்து காணப்படுகிறது. குறிப்பாக தொட்டியை தாங்கிப்பிடித்துள்ள தூண்களில் சிமெண்டு காரைகள் பெயர்ந்து இரும்பு கம்பிகள் வெளியே தெரிகின்றன.மேலும் மேல்நிலை நீர்த்தேக்கதொட்டி விரிசல் அடைந்து காணப்படுகிறது. இதனால் குடிநீர் மேல்நிலை நீர்த்தேக்கதொட்டி எப்போது வேண்டுமானாலும் கீழே விழும் சூழல் ஏற்பட்டுள்ளது. இதன் காரணமாக பொதுமக்கள் தொட்டி உள்ள பகுதியை அச்சத்துடன் கடந்து சென்று வருகின்றனர். எனவே சம்பந்தப்பட்ட அதிகாரிகள் ஆபத்தான நிலையில் உள்ள குடிநீர் மேல்நிலை நீர்த்தேக்க தொட்டியை அகற்றிவிட்டு புதிய மேல்நிலை நீர்த்தேக்கதொட்டி அமைக்க நடவடிக்கை எடுப்பார்களா?

-பொதுமக்கள், பரவக்கரை.