கிராவல் மணலை கடத்திய 2 பேர் கைது

ஆலங்குடி அருகேயுள்ள வாராப்பூர் சமுதாயக்கூடம் பகுதியில் சிலர் கிராவல் மண்ணை லாரியில் கடத்துவதாக போலீசாருக்கு பல்வேறு புகார் வந்தது. அதன்பேரில் சம்பட்டிவிடுதி சப்-இன்ஸ்பெக்டர் சரவணன் தலைமையிலான போலீசார் அப்பகுதியில் ரோந்து சென்றனர். அப்போது, மணல் அள்ளிக்கொண்டிருந்த 3 பேர் அங்கிருந்து தப்பி ஓடினர். இதில் 2 பேரை போலீசார் மடக்கி பிடித்தனர். விசாரணையில் அவர்கள் மணவிடுதியை சேர்ந்த பிரபாகரன் (வயது 30), கீழ புலவன்காட்டை சேர்ந்த நாகராஜ் (43) என்பது தெரியவந்தது. இதையடுத்து, அவர்களை போலீசார் கைது செய்தனர். மேலும் மணல் கடத்தலுக்கு பயன்படுத்தப்பட்ட லாரியும் பறிமுதல் செய்யப்பட்டது. மேலும், இந்த வழக்கில் தப்பி ஓடிய வாராப்பூரை சேர்ந்த மாரிமுத்துவை போலீசார் வலைவீசி தேடி வருகிறார்கள்.