சேலத்தில் கார் மோதி முதியவர் பலி

சூரமங்கலம், ஏப்.2-

சேலம் புதுரோட்டை அடுத்துள்ள ராமகவுண்டனூர் காட்டுவளவு பகுதியை சேர்ந்தவர் செல்வம் (வயது 70). இவர், நேற்று கந்தம்பட்டி பகுதியில் உள்ள தேசிய நெடுஞ்சாலையை கடக்க முயன்றார். அந்த வழியாக நெய்வேலியில் இருந்து பெங்களூரு நோக்கி சென்ற கார் செல்வம் மீது மோதியது. இதில் செல்வம் தூக்கி வீசப்பட்டு சம்பவ இடத்திலேயே பரிதாபமாக இறந்தார். சூரமங்கலம் போலீசார் விரைந்து வந்து செல்வம் உடலை மீட்டு பிரேத பரிசோதனைக்கு அனுப்பி வைத்தனர். விபத்து குறித்து போலீசார் வழக்குப்பதிவு செய்து விசாரணை நடத்தினர்.