<
கடந்த மாதத்தில் மட்டும் 44.67 லட்சம் பேர் மெட்ரோ ரெயிலில் பயணம்
மெட்ரோ ரெயிலில் கடந்த மார்ச் மாதத்தில் மட்டும் 44.67 லட்சம் பேர் பயணித்துள்ளனர்.
சென்னை,
மெட்ரோ ரெயிலில் கடந்த ஜனவரி மாதத்தில் 25 லட்சத்து 19 ஆயிரத்து 252 பேரும், பிப்ரவரி மாதத்தில் 31 லட்சத்து 86 ஆயிரத்து 653 பேரும் பயணம் செய்துள்ளனர். இந்த நிலையில், கடந்த மார்ச் மாதத்தில் மட்டும் 44 லட்சத்து 67 ஆயிரத்து 756 பேர் மெட்ரோ ரெயிலில் பயணித்துள்ளனர்.
அதிலும் குறிப்பாக மார்ச் 28-ந்தேதி அதிகபட்சமாக 2 லட்சத்து 10 ஆயிரத்து 634 பேர் பயணம் செய்துள்ளனர். மேலும், மெட்ரோ ரெயிலில் பயணிக்க 3 லட்சத்து 12 ஆயிரத்து 845 பேர் ‘கியூ ஆர்’ குறியீட்டையும், 26 லட்சத்து 37 ஆயிரத்து 348 பேர் பயண அட்டை பயண சீட்டையும் பயன்படுத்தி உள்ளனர்.
மெட்ரோ ரெயில்களில் பயணிப்பவர்களுக்கு ‘கியூ ஆர்’ குறியீடு பயணச்சீட்டில் கடந்த செப்டம்பர் மாதம் 11-ந்தேதியில் இருந்தும், பயண அட்டைகளை பயன்படுத்தி பயணிக்கும் பயணிகளுக்கு கடந்த பிப்ரவரி மாதம் 22-ந்தேதியில் இருந்தும் 20 சதவீத கட்டண தள்ளுபடி வழங்கப்பட்டு வருகிறது.
மேற்கண்ட தகவல் சென்னை மெட்ரோ ரெயில் நிறுவனம் வெளியிட்டுள்ள செய்திக்குறிப்பில் கூறப்பட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
