காரில் புகையிலை பொருட்கள் கடத்தியவர் சிக்கினார்

தென்திருப்பேரை:

ஸ்ரீவைகுண்டம்  துணை போலீஸ் சூப்பிரண்டு வெங்கடேசன் மேற்பார்வையில் ஆழ்வார்திருநகரி இன்ஸ்பெக்டர் மணிவண்ணன் தலைமையில் போலீசார் ஆழ்வார்திருநகரி பகுதியில் தீவிர வாகன சோதனையில் ஈடுபட்டனர். அப்போது ஆழ்வார்திருநகரி ஆற்றுப்பாலம் பகுதியில் வந்த ஒரு காரை நிறுத்தி சோதனை நடத்தினர். இதில் காரில் தடை செய்யப்பட்ட புகையிலை பொருட்களை கடத்தி வந்தது தெரியவந்தது.  

இதுதொடர்பாக நாசரேத் பகுதியை சேர்ந்த முத்துகுமார் (வயது 45) என்பவரை கைது செய்தனர். அவரிடம் இருந்து ரூ.8 ஆயிரத்து 300 மதிப்பிலான 5 கிலோ 100 கிராம் எடையுள்ள புகையிலை பொருட்களும், அவற்றை கடத்த பயன்படுத்திய காரும் பறிமுல் செய்யப்பட்டது.