<
சூதாட்டத்தில் ஈடுபட்ட 3 பேர் கைது
காட்பாடி அருகே சூதாட்டத்தில் ஈடுபட்ட 3 பேர் கைது செய்யப்பட்டனர்.
வேலூர்
வேலூர் மாவட்டம் காட்பாடி பிரம்மபுரத்தில் பணம் வைத்து சூதாடுவதாக காட்பாடி போலீசாருக்கு தகவல் கிடைத்தது. அதன்பேரில் சப்-இன்ஸ்பெக்டர் ஸ்ரீதரன் மற்றும் போலீசார் அந்த பகுதியில் ரோந்து சென்றனர்.
அப்போது பிரம்மபுரம் பிள்ளையார் கோவில் தெருவில் 4 பேர் சூதாடிக்கொண்டிருப்பது தெரிய வந்தது. போலீசாரை கண்டதும் அவர்கள் அங்கிருந்து தப்பியோட முயன்றனர். போலீசார் விரட்டி சென்று 3 பேரை மடக்கி பிடித்தனர். ஒருவர் தப்பியோடினார்.
போலீசாரின் விசாரணையில், அவர்கள் அதே பகுதியை சேர்ந்த கார்த்தி (வயது 26), சீனிவாசன் (42), சந்திரசேகர் (48) மற்றும் தப்பியோடியவர் வினோத் (30) என்பதும், 4 பேரும் பணம் வைத்து சூதாடியதும் தெரிய வந்தது. இதையடுத்து 3 பேரையும் போலீசார் கைது செய்தனர்.
அவர்களிடமிருந்து 200 ரூபாய், 40 கார்டுகள் பறிமுதல் செய்யப்பட்டன. இதுகுறித்து போலீசார் வழக்குப்பதிந்து தப்பியோடிய வினோத்தை தேடி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
