திருட்டு வழக்கில் தலைமறைவாக இருந்த வாலிபர் கைது

நெல்லை:

நெல்லை முன்னீர்பள்ளம் அருகே உள்ள மருதம்நகரைச் சேர்ந்தவர் மதன் (வயது 24). இவரை கடந்த 2018-ம் ஆண்டு மேலப்பாளையத்தில் உள்ள ஒரு வணிக நிறுவனத்தில் பணம் திருடியதாக போலீசார் கைது செய்தனர். பின்னர் அவர் ஜாமீனில் வெளியே வந்தார். ஆனால் கடந்த 2020-ம் ஆண்டு முதல் கோர்ட்டில் ஆஜராகவில்லை. தொடர்ந்து அவர் ஆஜராகாததால் அவருக்கு பிடிவாரண்டு பிறப்பிக்கப்பட்டது.

இதைத்தொடர்ந்து மேலப்பாளையம் போலீசார் அவரை தேடி வந்தனர் இந்நிலையில் நேற்று முன்தினம் அவர் மேலப்பாளையத்தில் இருப்பதாக போலீசாருக்கு தகவல் கிடைத்தது. போலீசார் விரைந்து சென்று மதனை கைது செய்து கோர்ட்டில் ஆஜர்படுத்தினார்கள்.