<
தக்காளி விலை கிலோ ரூ10 க்கு விற்பனை
காங்கயம் வாரச் சந்தையில் தக்காளி விலை கிலோ ரூ.10-க்கு விற்பனை செய்யப்பட்டது.
காங்கயம்
காங்கயம் வாரச் சந்தையில் தக்காளி விலை கிலோ ரூ.10-க்கு விற்பனை செய்யப்பட்டது.
சந்தை
காங்கயம் பஸ் நிலையம் அருகே வாரச்சந்தை வளாகம் உள்ளது. வாரம் தோறும் திங்கட்கிழமை கூடும் இந்த சந்தையில் காய்கறிகள், பழங்கள், மளிகை சாமான்கள், கீரைகள் முதற்கொண்டு அனைத்து பொருட்களும் விற்பனை செய்யப்படுகிறது. காங்கயம் மற்றும் அதன் சுற்றுவட்டார பகுதிகளை சேர்ந்த ஏராளமான நகர, கிராம மக்கள் இங்கு வந்து ஒரு வாரத்திற்கு தேவையான காய்கறிகள், மளிகை சாமான்கள் மற்றும் வீட்டிற்கு தேவையான பொருட்களை வாங்கி செல்வார்கள். இதன் காரணமாகவே வாரந்தோறும் திங்கட்கிழமை இந்த சந்தை நாளில் இந்த பகுதியில் உள்ள விவசாய தொழிலாளர்கள், தேங்காய் களம், எண்ணெய் ஆலைகளில் வேலை பார்க்கும் தொழிலாளர்களுக்கு வார சம்பளத்துடன் விடுமுறை விடப்படுகிறது.
இதனால் சுமார் 20 ஆயிரத்திற்கும் மேற்பட்ட கிராம மக்கள் மற்றும் நகர பகுதி மக்கள் இந்த சந்தைக்கு வந்து செல்வார்கள்.
தக்காளி
அதன்படி நேற்று கூடிய வார சந்தையில் தக்காளி ஒரு கிலோ ரூ.10-க்கும், சின்ன வெங்காயம் ஒரு கிலோ ரூ.25-க்கும், பெரிய வெங்காயம் ஒரு கிலோ ரூ.25-க்கும் விற்பனை செய்யப்பட்டது. காய்கறிகளின் விலையும் குறைவாகவே காணப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
