லாரி மோதியதில் கல்லூரி மாணவர் பலி

முசிறி,ஏப்.5-
குளித்தலை பாளையம் பகுதியை சேர்ந்தவர் சத்தியமூர்த்தி. இவரது மகன் ரகுராம் (வயது 19). இவர் திருச்சி மாவட்டம் தொட்டியம் அருகே உள்ள பாலிடெக்னிக் கல்லூரியில் 3-ம் ஆண்டு படித்து வந்தார். சம்பவத்தன்று இவர் திருச்சி டி.வி.எஸ். டோல்கேட் பகுதியில் உள்ள நண்பவர் வீட்டுக்கு மோட்டார் சைக்கிளில் சென்றார். இவர் முசிறி அருகே அய்யம்பாளையம் தியேட்டர் அருகில் சென்றபோது எதிரே வந்த லாரி ரகுராம் மீது மோதியது. இதில் பலத்த காயம் அடைந்த அவரை அக்கம்பக்கத்தினர் மீட்டு முசிறி அரசு மருத்துவமனையில் சேர்த்தனர். அங்கு அவர் சிகிச்சை பலன்இன்றி இறந்தார். இது குறித்த புகாரின் பேரில் முசிறி போலீசார் வழக்குப்பதிவு செயது விசாரணை நடத்தி வருகின்றனர்.